کراچی(آن لائن)سعید آباد میں سابق شوہر نے بیوی پر تیزاب پھینک دیا، جیسے تشویشناک حالت میں سول اسپتال منتقل کیا گیا ، ملزم کے والد کو حراست میں لیکر مقدمہ درج کرکے فرار ملزم کی تلاش شروع کردی ہے خاتون 39 فیصد جھلسی ہے۔ گورنر سندھ نے واقعے کا نوٹس لے لیا۔۔ تفصیلات کے مطابق سعید آباد کے علاقے بلدیہ ٹائون سیکٹر نائن سی

گلی نمبر تین مکان نمبر 34 میں ہفتہ کی صبح ساڑھے نو بجے کے قریب گھر میں موجود خاتون پر اس کے سابق شوہر نے تیزاب پھینک کر فرار ہوگیا ، زخمی خاتون کو تشویشناک حالت میں ایمبولنس کے زریعے سول اسپتال کی برنس وارڈ میں منتقل کیا گیا، ایس ایچ او سعید آباد شاکر نے بتایا کہ تیزاب سے جھلسنے والی خاتون کی شناخت 21 سالہ رمشادختر اکرم کے نام سے ہوئی ہے ، تیزاب گردی میں اس کا سابق شوہر ملزم سید ذیشان ملوث ہے ، جوکہ موقع سے فرار ہوگیا ، تیزاب سے جھلسنے والی خاتون انتہائی نگہداشت وارڈ میں زیر علاج ہے ، ایس ایچ او کا کہنا ہے کہ ملزم کے والد فدا حسین کو حراست میں لے کر تھانے منتقل کردیا ہے ، خاتون نے دو سال قبل پسند کی شادی کی تھی اور رواں سال کے آغاز میں اس نے شوہر سے خلع لینے کے لیے درخواست دی تھی۔ خاتون کو اسکے سابق شوہر نے اس وقت نشانہ بنایا جب وہ گھر سے کام پر جانے کے لیے نکلی تھی ۔ متاثرہ خاتون سوشل مییا پر ٹک ٹاک ایپلی کیشن اسعمال کرتی تھی اور اسکا شوہر اسے منع کرتا تھا جس پر انکے درمیان جھگڑا ہوا اور بات طلاق تک پہنچی۔ گورنر سندھ عمران اسمعیل نے واقعے کی مزاحمت کرتے ہوئے پولیس کو ہدایت دی ہے کہ واقعے میں ملوث ملزم کو فوری گرفتار کرکے کیفر کردار تک پہنچایا جائے ۔