ممبئی (نیوزڈیسک)پاکستانی ہدایتکار شعیب منصور کے نام سے کون واقف نہیں، یہ پاکستانی میڈیا انڈسٹری کا وہ نام ہے جنہیں کسی بھی تعارف کی ضرورت نہیں، ان کے کام کے چرچے پاکستان میں ہی نہیں بلکہ دنیا بھر میں مشہور ہیں اور اب خبر ملی ہے کہ بالی وڈ اداکارہ کرینہ کپور نے ان کے ساتھ کام کرنے کہ خواہش کا اظہار کر دیا ہے۔کرینہ کپور کا ایک انٹرویو میں کہنا تھا کہ وہ پاکستان کے نامور ہدایت کارشعیب منصورکی بڑی مداح ہیں، انکا کہنا تھا کہ شعیب منصور ایک بہترین ہدایت کار ہیں جنہوں نے بہترین فلمیں بنائیں اسی وجہ سے وہ ان کے ساتھ کام کرنے کی خواہش رکھتی ہیں۔واضح رہے کہ پاکستانی ہدایت کارشعیب منصور نے “خدا کے لیے” اور”بول” جیسی فلمیں اورمتعدد مقبول ٹی وی سیریلز بنائے ہیں۔ جن میں انکہی، ففتی ففٹی الفا براو چارلی قابل ذکر ہیں۔