اسلام آباد(نیوزڈیسک)پولیس اہلکاروں سے جھگڑا کرنے کے الزام میں گرفتارمعروف اداکار علی سلیم عرف بیگم نوازش علی کی ضمانت منظور کر لی گئی۔ علاقہ مجسٹریٹ نے ملزم کی درخواست ضمانت منظور کرتے ہوئے اسے 50 ہزار روپے کے مچلکوں کے عوض رہا کرنے کا حکم دیا ہے۔بیگم نوازش علی کو تھانہ شالیمار پولیس کے اہلکاوں نے نشے کی حالت میں جھگڑا کرنے پر گرفتار کرکے مقدمہ درج کیا تھا۔ایف آئی آر میں الزام لگایا گیا ہے کہ علی سلیم عرف بیگم نوازش علی نے شراب پی کر پولیس والوں کے ساتھ ہاتھا پائی کی اور ایک اہلکار کی وردی پھاڑ دی۔ایف آئی آر میں علی سلیم عرف بیگم نوازش علی پر کارسرکارمیں مداخلت کی دفعات بھی لگائی گئی ہیں۔