نیویارک(نیوز ڈیسک)ہالی وڈ اداکار لیو ناڈر ڈی کیپریو اور ٹام ہارڈی کی ایکشن سے بھرپور نئی ایڈونچر ڈرامہ فلم “دی ریوینینٹ” کا پہلا ٹریلر منظر عام پر آگیا۔ہالی وڈکے صفِ اول کے اداکار لیو ناڈر ڈی کیپریواور ٹام ہارڈی کی ایکشن سے بھرپور نئی ایڈونچر ڈرامہ فلم “دی ریوینینٹ” کا پہلا ٹریلر جاری کر دیا گیا ہے۔ہدایتکارایلیجینڈروگونزالیزکی اس فلم کی کہانی حقیقی واقعات پر مبنی ہے جوسن1820کے ایک ایسے بہادر جنگجو کے گِرد گھوم رہی ہے جو سخت موسمی حالات میں لڑتا ہے تاہم ایک خطرناک جنگلی ریچھ کا حملہ اسے موت کے منہ میں پہنچا دیتا ہے۔امریکی رائٹر کے ناول سے ماخوذاس سنسنی خیز فلم کواسٹیو گولن ، ارنن ملشن اور کیتھ ریڈمن نے مشترکہ طور پر پروڈیوس کیا ہے جبکہ فلم کی کاسٹ میں لیو ناڈر ڈی کیپریواور ٹام ہارڈی کے علاوہ وِل پولٹر، ڈومنل گلیسن اوربرینڈر فلیچن بھی اہم کرداروں میں جلوہ گر ہورہے ہیں۔60ملین ڈالر لاگت سے مکمل ہونیوالی اس ایکشن تھرلر ڈرامہ فلم کو ٹوینٹیتھ سنچری فاکس کے تحت رواں سال 25دسمبر کو امریکہ جبکہ ا?ئندہ سال8جنوری کو دنیا بھرکے سنیما گھروں میں نمائش کیلئے پیش کر دی جائے گی۔