لاہور (نیوز ڈیسک) وزیر اعظم محمد نواز شریف کو پاکستانی فلم ” رانگ نمبر “ کے پروڈیوسر ، ڈائریکٹر واداکار یاسر نواز نے اپنی فلم دیکھنے کی دعوت دیدی ۔صحافیوں سے خصوصی گفتگو کرتے ہوئے یاسر نواز نے کہا کہ میری فلم ” رانگ نمبر “ میں صرف پاکستانیت کو مد نظر رکھا گیا ہے اور اس میں معاشرتی مسائل کے ساتھ اصلاح کا پہلو بھی موجود ہے اور اسی وجہ سے میری فلم فلم بینوں کی توجہ کا مرکز بنی ہوئی ہے ۔ انہوں نے کہا کہ وزیر اعظم نواز شریف سے بھی درخواست کرتا ہوں کہ وہ میری فلم ضرور دیکھیں تاکہ ان کو پتہ چل سکے کہ پاکستان میں کس قدر باصلاحیت ٹیلنٹ موجود ہے اور اس کے ساتھ وہ ذاتی دلچسپی لے کر فلم انڈسٹری کی سرپرستی بھی کریں ۔