ممبئی (نیوز ڈیسک) بالی ووڈ میں ان دنوں خانز کے درمیان بڑھتی ہوئی محبتوں کے خوب چرچے ہیں۔ عامر اور سلمان ، شاہ رخ کی فلم رئیس کی پروموشن میں مصروف ہیں تو شاہ رخ خود بجرنگی بھائی جان کو کامیاب بنانے کیلئے کوشاں ہیں۔ اسی دوران عید کے موقع پر اداکار سلمان خان نے ٹوئٹر پر لکھا کہ ”رئیس آرہا ہے، فی الحال ٹیزر دیکھو اور انجوائے کرو بے حد“۔ سلمان کے اس ٹوئٹ کے جواب میں شاہ رخ نے جھٹ لکھ دیا کہ ”ابھی بلغاریہ میں ہوں آ نہیں سکتا۔ تھوڑی بریانی بھجوادے گھر میں بچوں کیلئے۔ عید مبارک اینڈ لو ٹو فیملی“۔سلمان جو اپنی حاضر جوابی کیلئے معروف ہیں، انہوں نے شاہ رخ کی بریانی کی فرمائش پر لکھا ہے کہ انہوں نے کبیر خان سے کہا ہے کہ وہ اور بریانی لیں اور اسے شاہ رخ خان کو بھجوا دیں۔ سلمان خان کا یہ ٹوئٹ بظاہر سادہ سا ہے تاہم کبیر خان کے ذریعے بریانی بھجوانے کی اطلاع کسی بڑی خبر کی جانب اشارہ بھی ہوسکتا ہے۔ لیکن وہ بڑی خبر کیا ہوگی، یہ تو وقت ہی بنائے گا۔