اسلام آباد (نیوز ڈیسک) پاکستان کے سب سے بڑے شہر کراچی میں نامعلوم افراد نے بول ٹی وی نیٹ ورک کے ہیومن ریسورس (ایچ آر) ڈیپارٹمنٹ کے سربراہ نعمان علی کو گولیاں مار کر قتل کردیا ۔ ذرائع کے مطابق فائرنگ کا واقعہ کراچی کے علاقے نارتھ ناظم آباد میں پیش آیا جب نعمان علی آفس سے گھر واپس جارہے تھے ۔ نامعلوم موٹر سائیکل سوار ملزمان نے ان کی کار پر گولیاں برسائیں ، فائرنگ سے نعمان علی شدید زخمی ہوگئے تھے جنہیں بعدازان تشویش ناک حالت میں آغا خان اسپتال منتقل کیاگیا تاہم وہ زخموں کی تاب نہ لاتے ہوئے جاں بحق ہوگئے ۔ دوسری جانب واقعے کے حوالے سے کراچی پولیس کا اب تک کوئی بیان سامنے نہیں آیا اور نہ ہی اس کا مقدمہ درج کیاگیا ہے ۔