اسلام آباد (این این آئی)یوٹیلیٹی اسٹورز کارپوریشن اعلامیہ کے مطابق 7.8 ارب روپے مالیت کے رمضان ریلیف پیکیج پر (آج) ہفتہ سے عملدرآمد ہوگا ، چینی 68 روپے کلو، گھی 170روپے، 20 کلو آٹا 800 روپے میں دستیاب ہوگا ،کوکنگ آئل، بیسن، کھجور اور دودھ پر 20 روپے سبسڈی دی جائے گی،چائے 50 ، دال مسور 30، سفید چنے 25 اور دال چنا 15 روپے سستی ملے گی

،دال مونگ، ماش پر دس دس روپے، چاول پر 12 روپے تک ریلیف دینے کا فیصلہ کرلیا گیا ،مصالحہ جات پر بھی مارکیٹ ریٹ کے مقابلے میں 10 فیصد سبسڈی دی جائے گی ،انتظامیہ نے 2 ہزار سے زیادہ دیگر مصنوعات پر بھی خصوصی رعائت دینے کا اعلان کیا ہے ۔یوٹیلیٹی اسٹورز پردال ماش دْھلی ہوئی 10 روپے کمی کے بعد255 روپے، دال مونگ 10 روپے کمی کے بعد 240 روپے کلو، سرخ مرچ 200 گرام پیکٹ 20 روپے کمی کے بعد 180 روپے، دھنیا پاؤڈر 200 گرام 9 روپے سستا کرکے81 روپے،گرم مصالحہ مکس 50 گرام 6 روپے سستا کرکے 59 روپے،گرم مصالحہ پاؤڈر 7 روپے سستا کرکے 60 روپے میں فروخت کیا جائے گا۔اسی طرح برانڈڈ کمپنیوں کی چائے کی پتی 47 روپے تک سستی کرکے 869 روپے اور مختلف کمپنیوں کے مشروبات کی ڈیڑھ لیٹر بوتل کی قیمت 45 روپے سستی کرکے 317 روپے میں فروخت کی جائے گی۔مزید برآں مختلف کمپنیوں کا ڈبہ پیک دودھ 20 روپے سستا کرکے 134 روپیفی لیٹر اور ڈبہ پیک کریم 10 روپے تک سستی کرکے 55 روپے کی کردی گئی ہے۔