لاہور (این این آئی ) مسلم لیگ(ن)پنجاب کی سیکرٹری اطلاعات عظمی بخاری نے کہا ہے کہ مریم نواز خاموش ہوتو ان کو مسئلہ مریم نواز بولیں تو حکومت کو مسئلہ،مریم نواز کی ایک ٹویٹ پر حکومتی منشیوں کی ٹیم پاگل ہو جاتی ہے۔ اپنے بیا ن میں انہوںنے کہاکہ خادمہ جی مریم نواز کہیں نہیں جارہی وہ آپ جیسے خانہ بدوش سیاستدانوں کو گھر پہنچاکر ہی چین سے بیٹھیں گئی،جن لوگوں کو سیاست کی الف ب کا پتہ نہیں وہ نوازشریف کی بیٹی کا مقابلہ کرنے چلے ہیں۔پرچی کے سہارے مسلط ہونے والے گمنام لوگ پہلی اپنی پہچان بنالیں پھر مریم نواز کا مقابلہ کریں۔انہوں نے
کہا کہ ڈاکٹر عدنان ایک بڑے ہسپتال کے انچاج ہیں ان کی کریڈبیلٹی کا ثبوت ڈاکٹر ایاز اور ڈاکٹر شمسی کی تائید ہے۔فردوس امجد کل تک ڈنگڑ ڈاکٹر تھی آج ذہنی مریضوں کی انچاج ہے۔فردوس امجد نے پوری زندگی ایک مریض کو بھی پٹی نہیں کی ڈاکٹری کا اندازا قوم خود ہی لگا لے۔تحریک انصاف میں ایک سے بڑھ کر ایک خود ساختہ آئن سٹائن اور سٹیفن ہاکنگ موجود ہے۔آدھی دنیا کو کورونا ویکسین لگ چکی ہے لیکن پاکستان میں ایک فیصد بھی شہریوں کو ویکسین نہیں لگ سکی۔جب مفت اور صدقے کی ویکسین کا انتظار کریں گے تو صورتحال ایسی ہی رہے گی۔
