ممبئی (نیوز ڈیسک) بالی ووڈ اداکار شاہد کپور کی شادی کو تقریباً ہفتے سے زیادہ کا وقت گزر چکا ہے تاہم تاحال اس کے چرچے میڈیا سے تھمنے کا نام نہیں لے رہے ہیں۔ شاہد نے اپنی شادی کے ایک ہفتے بعد بالی ووڈ کے دوست احباب کو ایک ڈنر دیا جس میں فلمی دنیا کے متعدد اہم ستاروں نے شرکت کی تاہم جس جوڑی کا سب سے زیادہ انتظار تھا، وہ یہاں دکھائی نہ دی۔ وہ جوڑی تھی کرینہ کپور اور اداکار سیف علی خان کی۔ یوں تو شاہد کپور کا کہنا تھا کہ انہوں نے شادی کا سب سے پہلا دعوت نامہ ہی کرینہ کے نام ارسال کیا تھا تاہم کرینہ کپور اور ان کے شوہر شادی میں شریک نہ ہوئے البتہ ایک تحفہ ارسال کیا۔کرینہ کے علاوہ بھی ماضی میں جن خواتین کا نام شاہد کپور کے ساتھ لیا جاتا رہا ہے، ان میں سے کوئی بھی اس دعوت میں دکھائی نہ دی۔ ان میں اداکارہ پریانکا چوپڑہ، سوناکشی سنہا، انوشکا شرما، امریتا راو¿ شامل ہیں۔ یہ تمام کی تمام وہ خواتین ہیں جنہوں نے ماضی میں اداکار شاہد کپور کے ہمراہ کام کیا ، میڈیا نے ان دونوں کا ایک ساتھ نام لیا اور ان اداکاروں نے تردید کرنے کی زحمت بھی گوارا نہ کی۔خاص بات یہ ہے کہ شاہد کی شادی سے پہلے کرینہ بارہا یہ کہتی رہی ہیں کہ اگر شاہد کپور نے انہیں شادی پر بلایا تو وہ ضرور جائیں گی تاہم جب شاہد نے دعوت نامہ بھیج کے گیند دوبارہ ان کے کورٹ میں پھینک دی تو کرینہ نے آئیں بائیں شائیں شروع کردیا تھا۔ کبھی کہنے لگیں کہ شاہد نے بلایا ہی نہیں اور کبھی الٹا میڈیا پر غصہ کرنے لگیں کہ وہ شاہد کی شادی کو اداکارکا ذاتی مسئلہ ہی رہنے دیں ۔