لندن (نیوز ڈیسک) ہالی ووڈ کی معروف ترین سلیبریٹی، مزاحیہ اداکار روان ایٹکنسن جنہیں دنیا مسٹر بینز کے نام سے جانتی ہے، اپنا آکسفورڈشائر میں واقع پرتعیش گھر فروخت کررہے ہیں۔ ایٹکنسن نے گھر کی قیمت تیس لاکھ پاو¿نڈز لگائی ہے۔ روان ایٹکنسن اس گھر میں اپنی اہلیہ سنیٹرا کے ہمراہ رہتے تھے تاہم گزشتہ برس فروری میں دونوں کے 24سال پرانے ازدواجی بندھن میں دراڑیں پڑگئیں اوردونوں نے علیحدگی کا فیصلہ کرلیا۔ایٹکنسن ان دونوں کامیڈین لوئیز فورڈ کے ساتھ وقت گزار رہے ہیں۔ ان کے ہمراہ رہائش کیلئے انہوں نے گزشتہ برس ستمبر میں شمالی لندن میں 46لاکھ پاو¿نڈز میں ایک پرتعیش گھر خریدا تھا۔ روان کے اپنا سابق گھر فروخت کرنے کی خبروں سے ان افواہوں کو مزید تقویت مل رہی ہے جن کے مطابق سنیٹرا سے ان کی طلاق ہالی ووڈ تاریخ کی مہنگی ترین طلاقوں میں سے ایک ہوگی اور روان اسی کیلئے نقد دولت اکھٹا کررہے ہیں۔ روان کی فی الوقت 7 کروڑ پاو¿نڈ کے لگ بھگ جائیداد ہے جبکہ انہوں نے گزشتہ ماہ ہی اپنی بے حد عزیز میکلیرن فارمولہ ون گاڑی 80لاکھ پاو¿نڈز میں فروحت کی تھی ۔