ریاض (این این آئی )سعودی عرب کی وزارت انصاف نے صارفین کی سہولت کے لیے ایک نئی سروس کا اجرا کیا ہے۔ اس نئی سروس سے صارف عدالتوں سے متعلق تمام کیسز سے صارفین کو ناجزپورٹل کے ذریعے براہ راست استفادہ
کرنے کی سہولت دی جائے گی تاہم اس کے لیے ضروری ہے کہ وہ صارفین متعلقہ کیسز میں تمام ضروری تقاضے پورے کر چکے ہوں۔میڈیارپورٹس کے مطابق سعودی عرب میں صارفین اور صارف عدالتوں سے متعلق اس نئی سروس کے اجرا کا مقصد صارفین کی جانب سے عدالتوں میں کیسز کے میں جلدی، دعووں کی قبولیت میں سرعت، کیسز کی سماعت کی مدت میں کمی، نتائج میں شفافیت اور مدعی کے تمام مطالبات کی ضمانت فراہم کرنا ہے۔وزارت انصاف نے لیبر کیسز کے نئے طریقے متعارف کرائے ہیں۔ گھروں میں کام کرنے والے ملازمین کو بھی صارف عدالتوں کی طرف سے انصاف کی فراہمی کی یقین دہانی کرائی گئی ہے اور ان کی شکایات کے ازالے کے لیے تمام ضروری اقدامات کیے جا رہے ہیں۔
