اسلام آباد(مانیٹرنگ ڈیسک)اگر تو آپ ڈبل روٹی یا بریڈ کے پیس کوتل کر یا ٹوسٹ کرکے کھانے کے عادی ہیں تو جان لیں کہ اس کے نتیجے میں کینسر جیسا مرض آپ کو شکار بناسکتاہے ۔ یہ انتباہ برطانیہ میں ہونیوالی ایک نئی طبی تحقیق میں سامنے آیا ہے ۔ فوڈ اسٹینڈرڈ ایجنسی کی

تحقیق میں کینسر کے باعث بننے والے کیمیکل ارکیلامیڈی کی مقدار کاجائزہ لیاگیا۔تحقیق میں کہا گیا ہے کہ نتائج سے معلوم ہواہے کہ آلووں میں چپس کو ہلکی سنہری رنگت آنے تک ہی پکایا جانا چاہیے جبکہ ڈبل روٹی میں بھی ہلکے ترین رنگت کو قابل قبول سمجھا جاسکتاہے ۔ تحقیق میں دریافت کیاگیا ہے کہ ڈبل روٹی یا آلووں میں خستہ پن جتنا زیادہ ہوگا اس میں کینسر کا باعث بننے والے کیمیکل کی مقدار بھی اتنی ہی زیادہ ہوگی ۔ محققین کا کہنا ہے کہ اگر آلووں کو زیادہ دیر تک بھونا جائے تواس میں کیمیکل کی مقدار فی کلوگرام 1052 مائیکرو گرام ہوجاتی ہے جو کہ عام مقدار سے 50 گنا زیادہ ہوتی ہے ۔ان کا کہنا تھا کہ کیمیکل کا استعمال زیادہ کرنے کے نتیجے میں کینسر جیسے جان لیوا مرض میں مبتلا ہونے کا خطرہ بھی بڑھ جاتاہے ۔

موضوعات:بھرپور سینکے ہوئے توس خطرناک