اسلام آباد (آن لائن)سینیٹ میں قائد ایوان ڈاکٹر شہزاد وسیم نے کہاہے کہ کرونا وباء پر قابو پانا، کرنٹ اکاؤنٹ خسارے میں کمی و زرمبادلہ کے ذخائر میں اضافہ حکومت کی کامیاب پالیسی کی عکاس ہیں ۔بین الاقوامی برادری نے بھی کرونا وباء پر قابو پانے کیلئے اٹھائے گئے اقدامات کی تعریف کی ہے۔بھارتی وزیراعظم مودی کی پالیسیوں نے بھارت کا سیکولر چہرہ بے نقاب کر دیا ہے ۔

ان خیالات کا اظہار انہوں نے میڈیا سے غیر رسمی بات چیت کرتے ہوئے کیا ۔انہوں نے کہا کہ عالمی مالیاتی اداروں نے اقتصادی اور معاشی حکمت عملیوں کو سراہا ہے اور اس وقت تمام اقتصادی اعشاریہ مثبت ہیں۔ انہوں نے کہا کہ حکومت کسی سے بلیک میل نہیں ہو گی اور حکومت عام انتخابات میں کئے گئے وعدوں کو پورا کرنے کیلئے پْر عزم ہے۔ انہوں نے کہا کہ صحت کے شعبے کو مزید مستحکم کرنے کی وسیع گنجائش موجود ہے اور حکومت کی ترجیحات میں شامل ہے۔ سینیٹر ڈاکٹر شہزاد وسیم نے کہا کہ پارلیمنٹ کے مشترکہ اجلاس سے صدر کا خطاب انتہائی اہم تھا۔ سینیٹ میں قائد ایوان نے کہا کہ بھارتی وزیراعظم مودی کی پالیسیوں نے بھارت کا سیکولر چہرہ بے نقاب کر دیا ہے تاہم بھارت خطے اور عالمی سطح پر تنہائی کا شکار ہو رہا ہے۔ انہوں نے کہا کہ مودی حکومت نے مقبوضہ کشمیر میں انسانی حقوق کی پامالی اور انسانیت کے خلاف جرائم کا بازار گرم کر رکھا ہے لیکن اس کے باوجود بھی مقبوضہ کشمیر کے عوام نے مقبوضہ کشمیر میں آزاد ی کا جھنڈا لہرایا۔ انہوں نے مزید کہا کہ مودی حکومت کے غیر آئینی، غیر قانونی اور غیر انسانی اقدامات نے خطے اور علاقائی امن کو داؤ پر لگایا ہے۔ سینیٹر ڈاکٹر شہزاد وسیم حکومت کا مسئلہ کشمیر پر موقف بالکل واضح ہے