اسلام آباد (این این آئی)اسلام آباد ہائیکورٹ نے پٹرولیم مصنوعات کی قیمتوں میں اضافے کے خلاف اپیل وفاقی حکومت کو نوٹس جاری کرتے ہوئے جواب طلب کرلیا ۔اسلام آباد ہائیکورٹ میں پٹرولیم مصنوعات کی قیمتوں میں اضافے کے
خلاف اپیل پرجسٹس عامر فاروق اور جسٹس میاں گل حسن اورنگ زیب پر مشتمل دو رکنی بینچ نے کی۔ درخواست گزار رائو عبد الرحیم ایڈووکیٹ نے کہاکہ اوگراقوانین کیخلاف حکومت نے پٹرولیم مصنوعات کی قیمتیں بڑہائی ہیں۔عدالت نے وفاقی حکومت کو نوٹس جاری کرتے ہوئے جواب طلب کر لیا۔ڈپٹی اٹارنی خواجہ امتیاز نوٹس وصول کیا۔ رائو عبد الرحیم ایڈووکیٹ نے کہاکہ اوگرا کی سمری کے بغیر جون کے ختم ہونے سے پہلے ہی قیمتیں بڑھا دی گئیں۔انہوںنے کہاکہ حکومت قانونی طور پر اوگرا کی سفارش کے بغیر قیمتیں نہیں بڑھا سکتی۔ انہوںنے کہاکہ اوگرا کے جون کے نوٹیفکیشن کے مطابق حکومت کو پٹرول کی قیمت مقرر کرنے کی ہدایت کی جائے۔عدالت نے سماعت آئیندہ ہفتے تک کے لیے ملتوی کر دی۔جماعت اسلامی کے رہنما میاں اسلم نے پٹرولیم مصنوعات کی قیمتوں میں اضافے کے خلاف درخواست دائر کی ہے۔
