ڈھاکہ (آن لا ئن ) بنگلہ دیش  میں ہزار مریضوں کو کورونا وائرس کی جعلی رپورٹس دینے پر ہسپتال کے مالک کو گرفتار کر لیا گیا۔غیر ملکی خبر رساں اداے کے مطابق مقامی پولیس کا کہنا ہے کہ ڈھاکہ کے 2 کلینکس میں ہزاروں مریضوں کو کورونا وائرس کی جھوٹی رپورٹس جاری کی گئیں۔ مقامی پولیس کے مطابق نجی ہسپتال

کے مالک کو فرار ہونے کی کوشش کے دوران گرفتار کر لیا گیا۔دونوں کلینکس نے 6 ہزار 300 افراد کو کورونا وائرس کی منفی رپورٹس بغیر ٹیسٹ کے جاری کی تھیں۔ بنگلہ دیش میں کورونا وائرس نے اب تک 2 ہزار 457 شہریوں کی جان لی ہے جبکہ اس وائرس کے تاحال 1 لاکھ 93 ہزار 590 کیسز رپورٹ ہوئے ہیں۔