راولپنڈی(آن لائن)راولپنڈی میں کورونا وائرس سے متاثرہ مریضوں کی تعداد میں نمایاں کمی جبکہ راولپنڈی کے سرکاری ہسپتالوں انسٹیٹیوٹ آف یورولوجی، بے نظیر بھٹو ہسپتال، ہولی فیملی، ڈی ایچ کیو میں کورونا مریضوں کیلئے مختص 86 فیصد بیڈ خالی ہو گئے ہیں جبکہ سپورٹس کیمپلیکس اور ریڈ کریسنٹ ہسپتالوں میں قائم کورونا فیلڈ ہسپتالوں میں 240 بیڈز میں سے صرف ایک بیڈ پر کورونا سے متاثرہ مریض موجود ہے

فراہم کردہ ڈیٹا کے مطابق کورونا مریضوں کیلئے مختص سرکاری وسائل زیادہ تر زیر استعمال نہیں اور خالی پڑے ہیں جبکہ راولپنڈی کے الائیڈ ہسپتالوں اور انسٹیٹیوٹ آف یورولوجی میں کورونا مریضوں کیلئے آئی سی یو وارڈ میں 78 وینٹی لیٹر میں سے 58 خالی ہیں 20 پر انتہائی نگہداشت کے مریض موجود ہیں آکیسجن کی سہولت 258 بیڈز پر موجود ہے اور صرف49 بیڈز پر مریض ہیں اور209 بیڈز خالی ہیں۔

موضوعات:کورونا سے متاثرہ مریضوں میں نمایاں کمی