نیویارک(این این آئی)اقوام متحدہ کے سیکریٹری جنرل انتونیو گوٹیرس نے کہاہے کہ دنیا بھرمیں لاک ڈاون کی وجہ سے کساد بازاری میں اضافہ ہورہا ہے جس کی وجہ سے لاکھوں بچوں کی موت ہوسکتی ہے، انہوں نے دنیا بھر کے رہنماوں اور اہل خانہ سے کہاہے کہ وہ اپنے بچوں کی حفاظت کریں۔غیرملکی خبررساں ادارے کے مطابق سیکریٹری جنرل اقوام متحدہ نے ایک بیان میں کہاکہ اسکول کے بچے روزانہ اسکول لنچ سے حاصل غذائیت پر انحصار کرتے ہیں،

اسکول بند ہونے کی وجہ سے 31 کروڑ بچوں کی صحت غذائیت کی کمی سے صحت خراب ہوسکتی ہے۔انتونیو گوٹریس کا کہنا تھا کہ لاک ڈاون کی وجہ سے بڑھتی ہوئی عالمی کساد بازاری سے خاندانوں میں کشیدگی میں اضافہ ہو رہا ہے اور بچے گھریلو تشدد اور زیادتی کا شکار ہورہے ہیں۔انہوں نے کہا کہ 23 ممالک میں کورونا کے باعث پولیو سے بچاو کی مہم ہی معطل ہے، ایک تخمینے کے مطابق ساڑھے11 کروڑ سے زائد بچے خسرہ کے قطروں سے محروم ہوسکتے ہیں۔

موضوعات:انتونیو گوٹیرس