اسلام آباد(مانیٹرنگ ڈیسک) پنجاب بھر میں لاک ڈاؤن میں 7 روز کے لیے توسیع کردی گئی۔نجی ٹی وی کے مطابق محکمہ داخلہ پنجاب کی جانب سے جاری کردہ نوٹی فکیشن کے مطابق صوبے میں لاک ڈاؤن میں ایک ہفتے تک توسیع کردی گئی ہے۔ جس کے بعد 14 اپریل تک لاک ڈاؤن رہے گا۔ اشیائے ضروریہ کی دکانیں صبح 9 سے شام 5 بجے تک

جب کہ دودھ اور دہی کی دکانیں رات 8 بجے تک کھلیں گے۔نوٹیفکیشن میں کہا گیا ہے کہ لاک ڈاؤن کی مدت میں اضافہ پنجاب میں کرونا کی بڑھتی ہوئی وبا کے پیش نظر کیا گیا ہے۔ کورونا وائرس سے بچاؤ کےلئے جو بھی اقدامات کئے جارہے ہیں ان پر ہنگامی بنیادوں پر عمل درآمد کیا جائے گا۔یاد رہے کہ وفاقی سطح پر بھی لاک ڈائون 14اپریل تک نافذ ہے ۔