ممبئی(نیوزڈیسک )معروف اداکارہ ماہرہ خان کا کہنا ہے کہ انہوں نے فلم رئیس کی شوٹنگ کے دوران بالی ووڈ کے کنگ شارخان سے بہت کچھ سیکھا ہے۔
بھارتی ٹی وی کو انٹرویو کے دوران ماہرہ خان کا کہنا ہے کہ وہ نہیں جانتی کہ بالی ووڈ میں انہیں کس طرح پرکھا جائے گا لیکن خود ان کے کے لئے یہ بالکل مختلف تجربہ ہے،رئیس کی شونگ کے دوران انہوں نے شاہ رخ خان کے مقابل بہترین اندازمیں اپنا کردارنبھانے کی پوری کوشش کی ہے لیکن وہ کنگ خان جیسی اداکاری نہیں کرسکیں۔ فلم کی شوٹنگ کے دوران انہوں نے شاہ رخ خان سے غیرمحسوس طریقے سے بہت کچھ سیکھا اس کا اندازہ ہے کہ انہیں وطن واپسی پرپاکستانی فلم ہو من جہاں کی عکس بندی کے دوران احساس ہوا جب فلم کے ڈائیریکٹر بھی ان کی پرفارمنس سے حیران رہ گئے۔
ماہرہ خان کا کہنا تھا کہ انہوں نے اپنے فنی سفر کا آغاز فلم بول سے کیا تھا جس کے بعد انہوں نے ٹی وی میں کام کیا۔ درحقیقت انہیں دونوں کے درمیان زیادہ فرق نظرنہیں آتا کیونکہ دونوں ہی میڈیم میں قریب قریب تمام ہی چیزیں مشترک ہوتی ہیں اگر فرق ہے تو صرف اتنا کہ ٹی وی میں ایک اداکار ہفتے میں ایک مرتبہ آتا ہے جب کہ فلم میں اداکارکواپنے کردارکی چھاپ چھوڑنے کے لئے 2 گھنٹے ہوتے ہیں۔