اسلام آباد (این این آئی)بھٹو کے دیس میں انسانیت کی تذلیل ، لاڑ کانہ میں 8سالہ بچے کو کتے نے بھنبھوڑ ڈالا ۔ معصوم کا چہر بری طرح مسخ، ڈاکٹروں نے ہاتھ کھڑے کر دیئے ۔ تفصیلات کے مطابق نجی نیوز ٹی وی چینل کی رپورٹ کے مطابق چند دن پہلے آصفہ بھٹو کے آواروں کتوں

کیخلاف ایکشن پر برہمی کا اظہار کیا تو مہم روک دی گئی تھی ۔ لاڑکانہ کا ہی بچہ آوارہ کتوں کا نشانہ بنا ، کیا آصفہ اب کوئی ایکشن لیں گی ؟ کیا بھٹو کی نوازسی کو انسان نہیں جانور زیادہ پیارے ہیں ؟دوسری جانب شہید بے نظیر بھٹو کی صاحبزادی آصفہ بھٹو زرداری نے کہا ہے کہ پولیو کے بڑھتے کیسز اور ایچ آئی وی کو چھپانے جیسے معاملات پر بات کے بجائے میرے متعلق جھوٹ بولا جارہا ہے۔ ایک بیان میں آصفہ بھٹو نے کہاکہ خیبرپختونخوا اور پنجاب میں ڈاکٹروں پر تشدد اور بچوں سے زیادتی کے مجرم کو کے پی میں سرکاری نوکری دینے کے بجائے میرے متعلق جھوٹ بولا جارہا ہے۔ انہوںنے کہاکہ اے آر وائے نے جھوٹ کو مجھ سے منسوب کرنا طے کرلیا ہے اور دیگر نیوز چینلز اندھا دھند اس کی پیروی کررہے ہیں۔ آصفہ بھٹو نے کہاکہ میڈیا کے اداروں کو یا تو ثبوت دینا چاہئے یا مجھ سے معافی مانگنا چاہئے۔ آصفہ بھٹو نے کہاکہ اسٹوریز گھڑ کر خاص طور پر مجھے ٹارگٹ کرنے کے بجائے وفاقی حکومت سے دریافت نہیں کیاتا کہ وہ کیوں کتے کے کاٹے کی ویکسین نہیں بنارہی۔