مدینہ (این این آئی) مسجد نبوی میں روضہ رسول ۖ کی زیارت اور ریاض الجنہ میں نوافل کی ادائیگی کے نئے اوقات مقرر کردیے گئے۔ادارہ امور حرمین شریفین کے مطابق نئے اوقات کار کے تحت مردوں کیلیے زیارت کا وقت شب 2 بجے سے نماز فجر تک اوردن میں وقت 11 بجے سے عشا تک ہوگا۔

ادارہ امور حرمین شریفین کی جانب سے بتایا گیا ہے کہ خواتین کیلیے زیارت کا وقت فجرکے بعد سے دن کے 11 بجے اور عشا کے بعد رات 2 بجے تک ہوگا۔ادارہ امور حرمین شریفین کے مطابق مرد زائرین نماز جمعہ کے بعد سے عشا تک زیارت کرسکیں گے جب کہ خواتین جمعہ کو نماز فجر کے بعد سے صبح 9 بجے تک زیارت کرسکیں گی۔