جہانیاں(این این آئی) معروف نیوز کاسٹر مہ پارہ صفدر65برس کی ہو گئیں ان کی سالگرہ15نومبر جمعہ کو منائی جائے گی ۔مہ پارہ زیدی 15نومبر 1954ء کو لاہور میں پیدا ہوئیں،اگست1979ء میں ماہ پارہ زیدی کی شادی صفدر ہمدانی سے ہوئی جس کے بعد وہ ماہ پارہ صفدر کہلوانے لگیں انہوں نے 1975ء کو
پاکستان ٹیلی ویژن لاہور سے نیوز کاسٹنگ سے اپنے کیرئیر کا آغاز کیا۔ماہ پارہ صفدر1990ء تک پی ٹی وی سے منسلک رہیں بعدازاں وہ بیرون ملک منتقل ہو گئیں اور ایک عالمی نشریاتی ادارے بی بی سی کے ساتھ منسلک ہو گئیں ۔ماہ پارہ صفدر نے پی ٹی وی ایوارڈ،نگارایوارڈ ،بولان سمیت متعدد ایوارڈز حاصل کیے۔
