اسلام آباد(نیوز ڈیسک)لاہور کی مقامی عدالت نے اداکارہ میرا کو گرفتار کرنے کا حکم دے دیا، تفصیلات کے مطابق اداکارہ میرا کے خلاف ان کے مبینہ شوہر عتیق الرحمان نے جوڈیشل مجسٹریٹ کے روبرو استغاثہ دائر کر رکھا تھا جس میں ان کا کہنا تھا کہ میرا نے مجھ سے نکاح کے بعد ایک اور نکاح کیا ہے جو کہ قانون کی خلاف ورزی ہے لہٰذا اداکارہ کو سزا دی جائے . جس پر عدالت نے اداکارہ میرا کو طلب کیا، طلبی کے باوجو د عدالت میں پیش نہ ہونے پر عدالت نے اداکارہ میرا کے 17 جولائی کے گرفتاری وارنٹ جاری کرتے ہوئے اداکارہ کی گرفتاری کا حکم دے دیا۔