کراچی( آن لائن)ایشیائی ترقیاتی بینک نے پاکستان کو 50 کرو ڑ ڈالر دینے کی منظوری دیدی،سات لاکھ 50 ہزار ڈالرز ٹیکنیکل سہولت کے لیے سپورٹ پیکچ کی بھی منظوری دی،تفصیلات کے مطابق ایشیائی ترقیاتی بینک کی جانب سے جاری کردہ اعلامیہ میں کہا گیا ہے کہ قرضہ پاکستان کی تجارت کے فروغ،خسارے میں کمی اور معاشی اصلاحات (اکنامک ریفارمز) کے لیے دیا گیا ہے۔اعلامیہ کے مطابق قرض کے ذریعے کاروبار آسان بنانے اور
برآمدات بڑھانے کے لیے مدد (سپورٹ) فراہم کی گئی ہے۔ جاری اعلامیہ میں دعویٰ کیا گیا ہے کہ قرض سے پاکستان کے تجارتی خسارے کو کم کرنے میں بھی مدد ملے گی۔ ایشیائی ترقیاتی بینک نے پاکستان کے لیے سات لاکھ 50 ہزار ڈالرز ٹیکنیکل سہولت کے لیے سپورٹ پیکچ کی بھی منظوری دی ہے۔اعلامیہ میں کہا گیا ہے کہ حکومت پاکستان کا ٹیکس نیٹ بڑھانے اور بجلی و گیس کے نرخ (ٹیرف) میں اضافے سے گردشی قرضے میں کمی ہوگی۔
