سمبڑیال(آن لائن)سینئررہنما پی ٹی آئی و سابق ایم پی اے چوہدری عظیم نوری گھمن نے کہا ہے کہ مودی سرکارکو کشمیرہڑپ کرنے نہیں دیں گے کشمیریوں سے ہمارا تعلق کلمہ پاک کا ہے جبکہ کشمیر کے بغیرپاکستان بھی نامکمل ہے کشمیر پاکستان کی شہ رگ ہے مودی سرکار نے طاقت کے نشے میں آرٹیکل370کاخاتمہ کرکے کشمیریوں کہ حقوق پر ڈاکہ ڈالا کشمیر کی خصوصی حیثیت ختم کرنا سیکولر بھارت کے چہرے پر بدنماداغ مودی سرکار کا متنازعہ اقدام پاگل پن اور انسانی حقوق پر حملہ ہے

مشکل کی ہرگھڑی میں پورا پاکستان کشمیری بہن بھائیوں کے ساتھ کھڑا ہے کشمیر پر جنگ بھی لڑنا پڑی تو پوری قوم اپنی بہادر افواج کہ شانہ بشانہ ہو گی اور ہر پا کستانی فوج کا سپاہی بن کر مقبوضہ کشمیر کو بھارتی فو ج کا قبر ستان بنا دے گا ان خیالات کا اظہار انہو ں نے ڈاکٹر طیب رضا جنجوعہ، شیخ عظمت اللہ اورحامد ورک کے ہمراہ شہریو ں سے ملک اور کشمیر کے حوالے سے گفتگو کرتے ہوئے کیا مودی سرکار کے غیر آئینی اقدام کی شدید مذمت کرتے ہوئے ان کا کہنا تھا کہ پاکستان اور کشمیر لازم و ملزوم ہیں مقبوضہ کشمیر بھارت کا اٹوٹ انگ نہیں بلکہ پاکستان کی شہ رگ ہے مودی سرکار نہ بھولے حق پر کھڑی قوم کو کوئی بندوق، کوئی ظلم اور سازش شکست نہیں دے سکتی کشمیری اپنی جدوجہد آزادی میں کامیاب رہیں گئے پاکستان کشمیریوں کی سفارتی،سیاسی اوراخلاقی حمایت جاری رکھے گا اور کشمیریو ں کے لیے عمر ان خان کی حکومت ہر فورم پر مقدمہ لڑے گی اورآواز بلند کرتی رہے گی،عظیم نوری نے مزید کہا کہ بھارتی غیر آئینی اقدام اقوام متحدہ کی قراردادوں سے بغاوت اورعالمی امن کے لیے خطرہ ہے کشمیر پاکستان کے لیے زندگی اورموت کا مسئلہ ہے یہ عالمی سطح پر مانا ہوا متنازعہ علاقہ ہے اس کی حیثیت تبدیل کرنا اعلان جنگ کے مترادف ہے کشمیری اپنی جدوجہد،شہادتوں، عزم ہمت،حوصلے سے کشمیر کو پہلے ہی پاکستان بنا چکے ہیں ہر شہید پاکستانی پرچم میں لپٹا قبر میں جاتا ہے تو پھر پاکستان کیسے کشمیر بھارت کو ہڑپ کرنے دے گا۔