اسلام آباد(نیوزڈیسک)سکائپ کے لیے چند الفاظ مصیبت بن گئے،سوشل میڈیا کی دنیا میں ویڈیو چیٹ اور وائیس کالز کے لیے نمایا ں نام اسکائپ ان دنوں مشکل کا شکار ہے۔ سکائپ ایپلی کیشن میں ایک نمایاں خامی سامنے آئی گئی ہے جس میں صرف 8 سادہ الفاظ کسی بھی اسکائپ صارف کے لیے خودکش دھماکے جیسے تباہ کن ثابت ہو رہے ہیں۔جی ہاں سکائپ صارفین کو ایک بڑے سافٹ ویئر نقص کا سامنا ہے اور بیشترصارفین کوکو تحریری شکل میں ://:http کے الفاظ میسج کرنے پر ان کی میسنجنگ ایپلی کیشن کریش ہوجاتی ہے۔یہ 8 الفاظ موصول ہونے کی صورت میں سکائپ مسلسل کریش ہوتا رہتا ہے اور اس کے نتیجے میں بیشتر صارفین اس سافٹ ویئر کو دوبارہ انسٹال کرنے پر مجبور ہوجاتے ہیں۔بیشتر سکائپ صارفین نے بتایا ہے کہ یہ 8 الفاظ ونڈوز، اینڈرائڈ اور آئی او ایس سسٹمز پر اثرانداز ہورہے ہیں، تاہم میک او ایس اور ونڈوز 8.1 ورڑن کے سکائپ سافٹ ویئر اس سے متاثر نہیں۔سکائپ کے ایک ترجمان نے بھی اس بات کی تصدیق کرتے ہوئے کہا ہے کہ ہم اس مسئلے سے آگاہ ہیں اور اس کے حل کے لیے کام کررہے ہیں۔اکثر لوگوں نے ان الفاظ کو مذاق کے طور پر اپنے دوستوں کے سکائپ سافٹ ویئر متاثر کرنے کے لیے بھی استعمال کرنا شروع کردیاہے۔یادرہے کہ چند روز قبل ایپل کے صارفین کو بھی اسی طرح کے سافٹ ویئر خامی کا سامنا کرنا پڑا تھا۔