ممبئی(نیوز ڈیسک)بولی وڈ سٹار سلمان خان اکثر اپنے فارم ہاو¿س ’پنول‘ میں نجی محفلیں منعقد کرتے رہتے ہیں اور میڈیا کو یہاں سے دور رکھتے ہیں۔تاہم، اس مرتبہ سلمان خان نے ماضی کی روایت توڑتے ہوئے پہلی مرتبہ ہدایت کار کبیر خان کو فلم ‘بجرنگی بھائی جان’ کے کچھ آخری مناظر عکس بند کرنے کیلئے پنول تک رسائی دی ہے۔ہندوستان ٹائمز کے مطابق سلمان خان کی اس پیشکش سے فلم پروڈیوسرز وقت کے ساتھ ساتھ پیسے بھی بچا پائے ہیں۔کبیر خان نے تین جون سے پنول میں فلم کی شوٹنگ شروع کردی ہے۔کبیر نے بتایا کہ وہ فلم کے آخری مناظر عکس بند کرنے کے لیے کسی مناسب جگہ کی تلاش میں تھے جس کے بعد سلمان نے انہیں اپنے فارم ہاو¿س پر شوٹنگ کی پیشکش کی۔