ممبئی(نیوز ڈیسک)بالی ووڈ کے دبنگ اداکار سلمان خان کی ساتھی اداکاراو¿ں کے ساتھ دوستی اور ناراضی کی خبریں کسی سے ڈھکی چھپی نہیں اور سلو میاں کے حالیہ بیان سے ایسا لگتا ہے کہ شاید اب ان کے ساتھی اداکارہ جیکولین فرنینڈس سے بھی راستے جدا ہو گئے ہیں بھارتی میڈیا رپورٹس کے مطابق سپرسٹار سلمان خان کا کہنا ہے کہ وہ ہدایت کار ساجد ناڈیہ والا کے ساتھ مل کر فلم بنائیں گے لیکن ہم جب بھی کام کریں گے تو اس میں اداکارہ جیکو لین فرنینڈس شامل نہیں ہوں گی، جیکولین کی جگہ کسی دوسری اداکارہ کا انتخاب کیا جائے گا۔واضح رہے کہ سلمان خان ہدایت کار ساجد ناڈیہ والا کے ساتھ مل کر اپنی 2014 کی کامیاب فلم ‘کک’ کا سیکوئل بنانے کا ارادہ رکھتے ہیں، کک میں جیکولین فرنینڈس نے مرکزی کردار ادا کیا تھا۔ اس سے قبل سلمان خان کی ایشوریہ رائے اور کترینہ کیف سے دوستی اور ناراضی کی خبریں بھی میڈیا کی زینت بنتی رہی ہیں۔