اسلام آباد(نیوز ڈیسک ) فیس بک نے سست انٹرنیٹ سپیڈ والے ملکوں میں کم ڈیٹا استعمال کرنے والی تیز رفتار انڈروئیڈ ایپ فیس بک لائٹ متعارف کروا دی۔فیس بک لائٹ کے پراڈکٹ مینیجر وجے شنکر نے ایک انٹرویو میں بتایا کہ فی الحال یہ ایپ ایشیا میں دستیاب ہے اور جلد ہی اسے لاطینی امریکا، افریقہ اور یورپ میں بھی پیش کر دیا جائے گا۔اس ایپ کا ہدف وہ ملک ہیں جہاں ترقی یافتہ ملکوں کے برعکس اب بھی اکثریت سست رفتار 2Gنیٹ ورک استعمال کرتی ہے۔شنکر نے بتایا کہ وہ لوگوں کو چوائس دینا چاہتے ہیں تاکہ سست انٹرنیٹ سپیڈ کے باوجود وہ فیس بک سے بھرپور استفادہ کر سکیں۔اس ایپ کے ذریعے نیوز فیڈ، سٹیٹس اپ ڈیٹس، نوٹیفیکیشنز اور فوٹوز تک رسائی ممکن ہو گی لیکن فیس بک کے دوسرے فیچرز مثلاً وڈیوز اور ایڈوانس لوکیشن سروس دستیاب نہیں۔ایپ کا مقصد دنیا کی ابھرتی ہوئی معیشتوں میں فیس بک کے دائرہ کار کو پھیلانا ہے۔یاد رہے کہ فیس بک کے سربراہ مارک زکر برگ نے چھ ٹیکنالوجی پارٹنرز کے ساتھ مل کر تیار کردہ Internet.org نامی پلیٹ فارم کا اعلان کیا تھا۔اس پیلٹ فارم کا مقصد انٹرنیٹ تک رسائی نہ رکھنے والے 4.5 ارب لوگوں کو مفت انٹرنیٹ فراہم کرنا ہے