ممبئی(نیوز ڈیسک) شاہ رخ خان نے ٹوئٹر پر پرستاروں کے سوالوں کے جواب دیتے ہوئے کہا کہ ایسی کوئی فلم زیر غور نہیں ہے۔ کچھ روز سے میڈیا میں ایسی خبریں سامنے آ رہی تھیں کہ تینوں سٹارز پہلی بار کسی ایک فلم میں کام کرنے پر راضی ہو گئے تھے تاہم اب شاہ رخ نے اس کی تردید کر دی ہے۔ ٹوئٹر پر شاہ رخ کے ایک پرستار نے پوچھا کہ آپ عامر اور سلمان خان ایک ساتھ فلم میں کام کر رہے ہیں، یہ خبر کس حد تک جھوٹی ہے۔ اس پر شاہ رخ نے جواب دیا کہ یہ خبر اتنی ہی جھوٹی ہے جیسے یہ خبر کہ چاند پنیر کا بنا ہوا ہے۔ شاہ رخ نے بعد میں یہ بھی کہا کہ وہ عامر اور سلمان کے ساتھ فلم میں کام کرنے کے خواہشمند ہیں اور یقینا عامر اور سلمان بھی یہی چاہتے ہوں گے لیکن فی الحال ایسی کوئی فلم زیر غور نہیں ہے۔