نیویارک( آ ن لائن )امریکا، یورپ اور ایشیا میں سونے کے نرخ 6 سال کی بلند ترین سطح پر رہے جس کی وجہ امریکی سنٹرل بینک کی مانیٹری پالیسی اور مشرق وسطیٰ میں کشیدہ صورتحال ہے۔نیویارک میں سپاٹ گولڈ کے وقفے پر نرخ 0.6 فیصد بڑھ کر 1396.34 ڈالر فی اونس رہے۔ امریکی سونے کے سودے 0.2 فیصد اضافے

کے ساتھ 1400.10 ڈالر فی اونس طے پائے۔لندن میں سپاٹ گولڈ کے وقفے سے قبل نرخ 0.3 فیصد بڑھ کر 1391.84 ڈالر فی اونس رہے۔امریکی سونے کے سودے 0.1 فیصد کمی کے ساتھ 1395.50 ڈالر فی اونس طے پائے۔ایشیا میں سپاٹ گولڈ کے نرخ 0.3 فیصد بڑھ کر 1391.50 ڈالر فی اونس رہے۔امریکی سونے کے سودے 1396.30 ڈالر فی اونس کی سطح پر مستحکم رہے۔