اسلام آباد (نیوز ڈیسک)آپ نے نوجوان پاکستانی ڈائریکٹر بلال لاشری کی فلم ’وار‘ تو دیکھ رکھی ہوگی جو دو سال قبل ریلیز کی گئی تھی۔اب اس فلم کا دوسرا پارٹ اگلے ماہ بننے جارہا ہے اور یہ فلم دسمبر میں نمائش کے لئے پیش کی جائے گی۔ فلم کے ڈائریکٹر و رائٹر ڈاکٹر حسن وقا رانا کا کہنا ہے کہ فلم کی شوٹنگ کا آغاز اگلے ماہ سے لندن میں کیا جائے گا جس میں چوٹی کے پاکستانی اداکار ایوب کھوسو، عدنان صدیقی اور ہمایوں سعید کام کریں گے جبکہ فلم میں نئے چہرے بھی دیکھنے کو ملیں گے۔ ان کا کہنا تھا کہ فلم کی شوٹنگ برطانیہ، روس، یوگو سلاویہ اور ترکی میں کی جائے گی۔ وار میں کلیدی کردار اداکرنے والے اداکار شان کے حوالے سے ابھی تک کچھ نہیں بتایا گیا۔