کراچی(نیوزڈیسک)رینجرز نے شہر میں مختلف کارروائیوں کے دوران8 بھتہ خور وں کو گرفتار کرلیا،تفصیلا ت کے مطابق ہفتے اور اتوار کی درمیانی شب رینجرز نے شہر کے مختلف علاقوں ملیر،کورنگی ،رشید آباد ،حیدری،نگینہ چورنگی میں کارروائی کرتے ہوئے 8 بھتہ خوروں کو حراست میں لے لیا،ملزمان بھتہ خور رمضان سے قبل دکانداروں اور تاجروں میں زکوت اور فطرہ رقوم کے لئے پرچیاں تقسیم کررہے تھے،رینجرز ترجمان کے مطابق حراست میں لئے گئے ملزمان کا تعلق سیاسی جماعت سے ہے،ترجمان رینجرز کے مطابق بھتہ خور رمضان سے قبل زکوت اور فطرہ کی رقم کی پرچیاں حیدری مارکیٹ کے دوکانداروں اور تاجروں کو تقسیم کرتے تھے،بھتے سے حاصل رقم کو دہشتگردی کی وارداتوں میں استعمال کیا جاتا ہے،ترجمان رینجرز نے ہدایت کی کہ شہری ایسی وارداتوںکا رینجرز ہیلپ لائن 1101 پر فوری اطلاع دیں