لاہور(نیوزڈیسک)صوبائی وزیر داخلہ کرنل (ر) شجاع خانزادہ نے کہا ہے کہ زمبابوے کے کامیاب دورہ کے بعد دیگر ممالک کی کرکٹ ٹیمیں بھی پاکستان آئیں گی ، پولیس سمیت دیگر قانون نافذ کرنے والے اداروںنے انتہائی جانفشانی سے فرائض سر انجام دئیے جبکہ کرکٹ شائقین نے بھی مثالی نظم و ضبط کا مظاہرہ کیا ۔ گزشتہ روز میڈیا سے گفتگو کرتے ہوئے صوبائی وزیر داخلہ نے کہا کہ زمبابوے کرکٹ ٹیم کے بھی شکر گزار ہیں جس نے دورہ کر کے پاکستان میں انٹر نیشنل کرکٹ کی بحالی میں اہم کردار ادا کیا ۔ یہ امید پیدا ہو گئی ہے کہ زمبابوے کے بعد دیگر ممالک کی کرکٹ ٹیمیں بھی پاکستان کا رخ کریں گی اور کرکٹ کو فروغ ملے گا۔ انہوں نے کہا کہ پنجاب پولیس سمیت دیگر قانون نافذ کرنے والے اداروں نے مہمان ٹیم اور شائقین کی حفاظت کے لئے دن رات ایک کئے رکھا جس پر افسران اور اہلکاران ستائش کے مستحق ہیں