اسلام آباد(مانیٹرنگ ڈیسک)پی ٹی ایم کے محسن داوڑ اور ان کے ساتھیوں کی چیک پوسٹوں پر فائرنگ،چیک پوسٹوں پر موجود جوانوں کے خلاف نعرے بازی ،پاک فوج کی جانب سے جوابی کارروائی میں پی ٹی ایم کے متعدد افراد کو حراست میں لے لیا گیا۔نجی ٹی وی کے مطابق سیکیورٹی اہلکاروں اور پی ٹی ایم کے افراد کے درمیان جھڑپ دتہ خیل کے علاقے میں ہوئی ہے جہاں پی ٹی ایم نے کئی روز سے دھرنا دیا ہوا تھا۔دوسری جانب علی وزیر کی ایک ویڈیو

بھی تیزی کے ساتھ وائرل ہو رہی ہے جس میں وہ پاکستان کے ریاستی اداروں کو دھمکیاں دے رہے ہیں ، ویڈیو میں علی وزیر نے دھمکی دیتے ہوئے کہا کہ ’’ میں تمہیں ماروں گا اور بدلہ لوں گا۔‘‘ٹویٹر ہینڈل ٹرائیبل پوسٹ کے مطابق دوسری جانب پی ٹی ایم کی جانب سے موقف دیا گیاہے کہ شمالی وزیر ستان میں محسن داوڑ کی ریلی پر فائرنگ کی گئی ہے جس میں چار افراد زخمی ہوئے ہیں تاہم محسن داوڑ محفوظ رہے،ممکنہ طورپر علی وزیر کو حراست میں لے لیا گیا۔

موضوعات:محسن داوڑ