ممبئی(نیوز ڈیسک) بالی ووڈ کے مسٹر پرفیکشنسٹ عامر خان نے انڈسٹری کے چاکلیٹی ہیرو رنبیر کپور کو بہترین اداکار قرار دیا ہے۔بھارتی میڈیا کے مطابق بالی ووڈ کے چاکلیٹی ہیرو رنبیر کپور کی فلم ”بمبئی ویلویٹ“ شائقین میں پذیرائی تو حاصل نہ کرسکی لیکن ان کی اداکاری فلم نگری کے مسٹر پرفیکنشسٹ کوضرور بھاگئی ہے۔ بالی ووڈ اداکارعامر خان کا کہنا تھا کہ رنبیرکپور بہترین اداکار ہیں وہ کوئی بھی فلم کرسکتے ہیں جو کہ ان کے اور انڈسٹری کے لیے بہت اچھا ہے۔واضح رہے کہ رنبیر کپور میں عامر خان کی فلم ”پی کے“ میں انتہائی مختصر خصوصی کردار ادا کیا تھا۔