واشنگٹن(این این آئی)امریکی خلائی تحقیقاتی ادارے ناسا کے روبوٹک مشن اِن سائیٹ نے مریخ پر ممکنہ زلزلے کا سراغ لگایا ہے۔غیرملکی خبررساں ادارے کے مطابق بتایا گیا کہ چھ اپریل کو اس مشن کے 128ویں دن مریخ پر ممکنہ طور پر زلزلے کی جھٹکے ریکارڈ کیے گئے۔ تاہم سائنس دانوں تفتیش کر رہے ہیں کہ آیا یہ زلزلہ ہی تھا یا مریخ پر

گرنے والے کسی میٹروئیٹ کی وجہ سے پیدا ہونے والی لرزش تھی۔ اگر اس زلزلے کی تصدیق ہو جاتی ہے، تو یہ پہلا موقع ہو گا کہ زمین اور چاند کے بعد کسی دوسرے سیارے پر زلزلے کا یوں سراغ لگایا گیا ہو۔ امریکی مشن نومبر میں مریخ پر اترا تھا اور یہ دو برس تک مریخ کی سطح کے نیچے چھپے رازوں سے متعلق معلومات جمع کرے گا۔