راولپنڈی(آن لائن)جعلی اکاؤنٹس کیس میں اہم پیشرفت، نیب نے آصف علی زرداری کی کمپنی پارک لین سٹیٹ کے اکاؤنٹنٹ محمد حنیف کو گرفتار کرلیا، ملزم پر ڈیڑھ ار ب روپے قرض لینے، جعلی ناموں پر پے آرڈر بنوانے اور قرض سے فائدہ حاصل کرنیوالوں کے نام چھپانے کا الزام ہے۔ میڈیا رپورٹس کیمطابق نیب نے سابق صدر آصف علی زرداری
کی کمپنی پارک لین سٹیٹ کے اکاؤنٹنٹ محمد حنیف کو گرفتار کرلیاہے۔ محمد حنیف پر نجی بینک سے ڈیڑھ ارب روپے کاقرضہ لینے اور جعلی ناموں پر پے آرڈر بنانے کا الزام ہے۔ ملزم پر اس قرض سے فائدہ حاصل کرنے والے اصل افراد کے نام چھپانے کا بھی الزام ہے۔ پارک لین سٹیٹ کمپنی میں 25فیصد شیئرز بلاول بھٹو زرداری کی ملکیت ہیں۔
