کراچی(این این آئی)یوٹیلیٹی اسٹورزکارپوریشن نے شیمپو،فیس کریم سمیت دیگرمختلف اشیاء کی قیمتوں میں ایک روپے سے 90روپے تک کمی کردی ہے،جس کا نوٹی فکیشن جاری کردیا گیا ہے۔تفصیلات کے مطابق بدھ کو یوٹیلیٹی اسٹورزکارپوریشن کی جانب سے مختلف اشیاء90روپے تک سستی کردیں گئیں ،کمی کا اطلاق فوری طور
پر ہوگا، نوٹیفکیشن بھی جاری کردیا گیا۔نوٹی فکیشن کے مطابق،مختلف برانڈز کے شیمپو کی قیمت میں 5سے 20روپے کمی کی گئی،مختلف برانڈ کی فیس کریم 8سے10روپے سستی کردی گئی ۔ صابن 1سے 3روپے سستا کردیا گیا ، کارن آئل 5لیٹر 50روپے سستا کردیا گیاجبکہ کارن آئل 10لیٹر 90روپے سستا کردیا گیا ۔
