واشنگٹن(این این آئی)نیٹو کے سیکریٹری جنرل ژینس اشٹولٹن برگ نے کہا ہے کہ مغربی دفاعی اتحاد روس کے ساتھ اسلحے کی دوڑ اور سرد جنگ کی سی کیفیت نہیں چاہتا،یورپ میں امریکی و دیگر میزائلوں کی تنصیب عمل میں نہیں آئے گی،غیرملکی خبررساں ادارے کے مطابق انہوں نے واشنگٹن میں امریکی کانگریس کے مشترکہ
اجلاس سے خطاب کرتے ہوئے کہا کہ یورپ میں امریکی و دیگر میزائلوں کی تنصیب عمل میں نہیں آئے گی۔ اشٹولٹن برگ نے اس عسکری اتحاد کے رکن ممالک پر دفاعی بجٹ بڑھانے اور انہیں مقررہ اہداف تک پہنچانے کے لیے زور دیا۔ مغربی دفاعی اتحاد کے ستر برس مکمل ہونے کے موقع پر انہوں نے واضح کیا کہ یہ عسکری اتحاد آج بھی کافی مضبوط ہے۔
