اسلام آباد(این این آئی)جعلی اکاؤنٹس کیس کا پہلا نیب ریفرنس احتساب عدالت میں دائر کر دیا گیا ۔ نیب کی جانب سے سابق ایڈمنسٹریٹر کراچی محمد حسیں سید سمیت کے ایم سی کے 9 افسران کو ملزم نامزد کیا گیا ۔ریفرنس میں آصف زرداری کے قریبی ساتھی یونس قدوائی بھی ملزم نامزد کئے گئے ہیں ۔ نیب کے مطابق ملزمان نے لائبریری اور مندر کے پلاٹ غیر قانونی الاٹ کیے۔
نیب نے کہاکہ ملزمان کے خلاف ٹھوس شواہد ہیں، عدالت سزا دے۔ریفرنس میں عبدالغنی، آصف زرداری کی قریبی ساتھی یونس قدوائی، محمد حسین سید، نجم زمان سمیت نو افراد ملزم نامزد ہیں،حسن سید کے علاوہ ریفرنس آٹھ ملزمان پر اختیارات سے تجاوز کا عبوری ریفرنس دائر کیا گیا ۔ملزمان پر فلاحی مقاصد کیلئے مختص کردہ پلاٹ غیر قانونی طور الاٹ کرنے کا الزام ہے۔
