اسلام آباد (این این آئی) پاکستان مسلم لیگ (ن) نے کہا ہے کہ عمران خان کے رویہ کی وجہ سے فوجی عدالتوں کا معاملہ بھی سرد خانہ کی نذر ہوگیا ، وزیر اعظم کو فوجی عدالتوں پر مشاورت نہ کرنے کے محرکات سے قوم کو آگاہ کرنا چاہیے،اس وقت شہنشاہنیت کانظام چل رہا ہے ،الیکشن کمیشن کے ممبران کی تقرری کا طریقہ کار آئین اور سپریم کورٹ کے فیصلے کے مطابق ہونا چاہیے ،
عمران خان ہچکچا رہے ہیں ۔ بدھ کو پاکستان مسلم لیگ (ن )کے ایڈوائزری گروپ کے اجلاس کے بعد میڈسے گفتگو کرتے ہوئے احسن اقبال نے کہاکہ ایڈوائزری گروپ کے اجلاس میں وزیر اعظم کے شہباز شریف کو لکھے گئے خط کے مندرجات کاجائزہ لیا۔احسن اقبال نے کہاکہ عمران خان آئین کے طریقہ کار سے کترا رہے ہیں،ابھی وزیر اعظم کے رابطہ میں آئین کے چند تقاضے ہونا باقی ہیں۔ انہو ں نے کہاکہ الیکشن کمیشن کے ممبران کی تقرری کا طریقہ کار آئین اور سپریم کورٹ کے فیصلے کے مطابق ہونا چاہیے ۔انہو ں نے کہاکہ عمران خان آئینی و سپریم کورٹ کے فیصلوں سے ہچکچا رہے ہیں۔انہو ں نے کہاکہ سپریم کورٹ کے فیصلہ میں درج ہے ممبران کا تقرر خالص میریٹ پر ہو۔انہو ں نے کہاکہ ہم اس عمل کو آئین و قانون کے مطابق چاہتے ہیں۔انہو ں نے کہاکہ ہم چاہتے ہیں اس عمل کی روایت قائم کریں ہم روایت کو توڑنا نہیں چاہتے۔انہو ں نے کہاکہ یہ عمل قانون کے مطابق نہ ہوا تو چیلنج بھی ہوسکتا ہے۔انہوں نے کہاکہ ملک میں اس وقت شہنشاہیت کا نظام چل رہا ہے،شہنشاہیت میں اپوزیشن لیڈر کا کوئی کردار نہیں رہتا۔انہوں نے کہاکہ جمہوریت میں وزیر اعظم کے کیساتھ اپوزیشن کا برابر کو کردارہوتا ہے۔انہوں نے کہاکہ وزیر اعظم کے رویہ کی وجہ سے فوجی عدالتوں کا معاملہ بھی سردخانہ کی نذر ہوگیا۔انہوں نے کہاکہ وزیر اعظم کو فوجی عدالتوں پر
مشاورت نہ کرنے کے محرکات سے قوم کو آگاہ کرنا چاہیے۔ احسن اقبال نے کہاکہ نواز شریف نے فوجی عدالتوں کے قیام اور توسیع میں قومی قیادت کی رہنمائی کی تھی۔ انہوں نے کہاکہ شہنشاہ معظم شہنشاہیت کو نظام چلا رہے ہیں اپوزیشن کو تسلیم نہیں کرتے۔ انہوں نے کہاکہ اپوزیشن کیساتھ بیٹھ کر بات کرنا نہیں چاہتے۔انہوں نے کہاکہ لگتا ہے وزیر اعظم نے اپوزیشن کیساتھ بیٹھنے کی بجائے فوجی عدالتوں کی توسیع کے التوا کو ترجیح دی۔
