ہالی ووڈ(نیوز ڈیسک) ہالی ووڈ کی تھری ڈی کمپیوٹر اینیمیٹڈ فینٹسی کامیڈی فلم ‘ہوٹل ٹرانسلوانیا’ کے سیکوئل ‘ہوٹل ٹرانسلوانیا ٹو’ کا نیا ٹریلر جاری کر دیا گیا ہے۔ 2012 کی ہالی ووڈ کی تھری ڈی کمپیوٹر اینیمیٹڈ فینٹسی کامیڈی فلم ہوٹل ٹرانسلوانیا کے سیکوئل ‘ہوٹل ٹرانسلوانیا ٹو’ کا نیا ٹریلر جاری کر دیا گیا ہے۔ ہدایتکار جینڈی ٹارٹاکووسکی کی اس کامیڈی فلم کی کہانی ڈریکولا کے کردار کے گرد کھومتی ہے، جس نے دیووں اور بلاوں کے لیے فائیو اسٹار ریسورٹ بنایا ہوا ہے۔ مشعیل مرڈوکا کی پروڈیوس کردہ اس فلم کے مرکزی کرداروں کے ڈائیلاگز کی ڈبنگ معروف ہالی ووڈ اداکار ایڈم سینڈلر، گلوکارہ و اداکارہ سلینا گومز اور ڈیوڈ اسپیڈ کی آوازوں میں کروائی گئی ہے۔ کولمبیا پکچرز کے تحت اس تھری ڈی اینیمیٹڈ فلم ‘ہوٹل ٹرانسلوانیا ٹو’ کو اگلے برس 25 ستمبر کو دنیا بھر کے سنیما گھروں میں نمائش کے لیے پیش کر دیا جائیگا۔