اسلام آباد(این این آئی )پاکستان کو متحدہ عرب امارات سے آئندہ ہفتے ایک ارب ڈالر ملنے کا امکان ہے، سعودی عرب سے ادھار تیل کی فراہمی بھی اپریل میں شروع ہو جائیگی۔میڈیا رپورٹ میں وزارت خزانہ کے حوالے سے کہا گیا ہے کہ متحدہ عرب امارات آسان شرائط پر 2ارب ڈالر کا قرضہ پہلے ہی فراہم کر چکا ہے، اس وقت پاکستان

کے مجموعی ذخائر کی مالیت 17ارب 18کروڑ ڈالر ہے جس میں اسٹیٹ بینک کے 10.67ارب ڈالربھی شامل ہیں۔سعودی عرب سے ادھار تیل کی سپلائی بھی اپریل میں شروع ہونے جارہی ہے۔ پاکستان کو ماہانہ 20سے 25کروڑ ڈالر مالیت کا تیل فراہم کیا جائے گا، متحدہ عرب امارات موخر ادائیگی پر بھی سالانہ تین ارب ڈالر سے زیادہ مالیت کا آئل فراہم کرے گا۔