کراچی (این این آئی)2018کی آخری سہ ماہی میں اکتوبر تا دسمبر کے دوران اٹلس بیٹری کے بعد از ٹیکس خسارہ میں242.60 فیصد کا اضافہ دیکھا گیا۔ پاکستان سٹاک ایکسچینج (پی ایس ایکس) کو بھیجے گئے کمپنی کے مالیاتی اعداد وشمار کے مطابق اکتوبر تا دسمبر 2018ء کے دوران کمپنی کو 215.5 ملین روپے کابعد از ٹیکس
خسارہ برداشت کرنا پڑا ہے جبکہ سال 2017ء کے اسی عرصہ کے دوران اٹلس بیٹری کو 62.9 ملین روپے کا خسارہ ہوا تھا۔ اس طرح اکتوبر تا دسمبر 2017ء کے مقابلہ میں اکتوبر تا دسمبر 2018ء کے دوران کمپنی کے بعد از ٹیکس خسارہ میں 152.6 ملین روپے یعنی 242.6 فیصد کا اضافہ ریکارڈ کیا گیا ہے۔
