لاہور(این این آئی) گزشتہ ماہ فروری کے دوران مہنگائی کی شرح 8.21 فیصد کی سطح پر پہنچ گئی جبکہ رواں مالی سال کے ابتدائی آٹھ ماہ (جولائی تا فروری )کے دوران مہنگائی کی شرح اوسط6.46 فیصد ریکارڈ کی گئی۔ادارہ شماریات پاکستان کے جاری کردہ اعداد و شمار کے مطابق جنوری 2019 کے مقابلے میں فروری 2019 میں افراط رز کی شرح میں 0.64اضافہ ریکارڈ کیا گیا۔جنوری

2019 کے مقابلے میں فروری 2019 کے دوران سب سے زیادہ اضافہ ٹماٹر کی قیمتوں میں 150فیصد تک ریکارڈ کیا گیا جبکہ سبز مرچ 37فیصد،انار 11فیصد،چکن 4فیصد ، مچھلی 2فیصد اور گندم ڈیڑھ فیصد مہنگی ہوئی۔دوسری جانب سب سے زیادہ کمی ایل پی جی13.46 فیصد ریکارڈ کی گئی، آلو 9فیصد ، گوبھی 6.50فیصد ، انڈے 4فیصد جبکہ دالوں کی قیمتوں میں معمولی کمی ریکارڈ کی گئی۔