لاہور(این این آئی)ہفتہ وار تعطیل کے باوجودحج درخواستوں کی وصولی کیلئے نامزد بینکوں کی برانچیں ہفتہ کے روز بھی کھلی رہیں جبکہ آج(اتوار)کوبھی درخواستیں وصول کرنے کا سلسلہ جاری رہے گا۔اسٹیٹ بینک آف پاکستان کے اعلامیے کے مطابق حج 2019کے لئے عازمین کو واجبات کے ساتھ اپنی حج درخواستیں جمع کرانے میں سہولت دینے کی غر ض سے 14بینکوں ( نیشنل بینک، حبیب بینک
یونائیٹڈ بینک، ایم سی بی بینک، الائیڈ بینک، بینک آف پنجاب، بینک الفلاح، زرعی ترقیاتی بینک، فیصل بینک، عسکری بینک، بینک الحبیب ، حبیب میٹرو پولیٹن بینک، میزان بینک اور دبئی اسلامک بینک کی نامزد برانچیں ہفتہ کے روز صبح 10بجے سے سہ پہر 2 بجکر 30منٹ تک کھلی رہیں ۔نامزدبینکوں کی برانچوں میں درخواستوں کی وصولی کا سلسلہ آج( اتوار) کے روزبھی جاری رہے گا۔
