کراچی (نیوز ڈیسک)معروف ماڈل و اداکارہ آمنہ الیاس ہدایتکار اسد الحق کی فلم دیکھ مگر پیار سے میں جلوہ گر ہوں گی۔ ان کو گزشتہ دنوں فلم میں آئٹم سانگ کے لئے سائن کیا گیا ہے۔ آمنہ اس سے قبل فلم زندہ بھاگ اور گڈ مارننگ کراچی میں کام کرچکی ہیں۔ اداکارہ کا اس حوالے سے کہناتھا کہ ملکی انڈسٹری کے استحکام کے لئے آفر کو قبول کیا ہے۔ اسد الحق اشتہار ی فلموں کی نامور شخصیت ہیں ان کے ساتھ کام کر کے مزید تجربہ حاصل ہوگا۔ مذکورہ فلم میں حمائمہ ملک، سکندر رضوی اور دیگر اہم کردار ادا کررہے ہیں دوسری جانب فلم میں اداکارہ میراکی کوششیں بھی رنگ لے آئی ہیں انہیں بھی ایک کردار کے لئے سائن کیا گیاہے۔ کہا جارہا ہے کہ سکندر رضوی کی خواہش پر اداکارہ عائشہ عمر کو بھی اس فلم میں انٹری دینے کے لئے کوششیں جاری ہیں۔مذکورہ فلم کو رواں برس کے دوران ماہ اگست میں ریلیز کرنے کی تیاریاں کی جارہی ہیں۔