بریٹوریا(این این آئی)سعودی وزیر توانائی خالد الفاح نے کہاہے کہ سعودی عرب جنوبی افریقہ میں تیل کے شعبے میں سرمایہ کاری کا منصوبہ بنا رہا ہے۔غیرملکی خبررساں ادارے کے مطابق بریٹوریا میں جنوبی افریقا کے اپنے ہم منصب گیو راڈیبی سے ملاقات میں سعودی وزیر کا کہنا تھا کہ جنوبی افریقہ میں تیل صاف کرنیوالا ایک کارخانہ لگانے کے ساتھ پیٹرو کیمیکل کا ایک کارخانہ بھی بنایا جائے گا۔ یہ منصوبہ جنوبی افریقا میں
سعودی عرب کی 10 ارب ڈالر کی سرمایہ کاری پلان میں شامل ہے۔بریٹوریا میں جنوبی افریقہ کے اپنے ہم منصب گیو راڈیبی سے ملاقات میں سعودی وزیر کا کہنا تھا کہ ان کا ملک جلد ہی جنوبی افریقا میں آئل ریفائنری قائم کرے گا۔ان کا کہنا تھا کہ سعودی عرب کا مقصد جنوبی افریقا میں تیل کے وسیع ذخائر مہیا کرنا ہے۔ اس ضمن میں بریٹوریا کی حکومت کی طرف سے بھی ہر ممکن تعاون فراہم کیا جا رہا ہے۔
